Historic Late Cornish Text
William Rowe 1668-1709 home page
Matthew II index of texts

1, Leben po ue Jesus gennez en Bethalem a Judeah en deethiow Herod an Matern, a reeg doaze teeze veer thor an Est tha Jerusalem.
2 Lavaral, Peleah ma E, yw gennez Matern an Ethewan? Rag ma gwellez gen a ni E steran en Est, ha tho ni devethez tha gortha thotha.
3, Pereeg Herod an Matern Clowaz hemma , e ve troublez, ha oll Jerusalem gonz eve.
4 Ha pareg e contell oll an cogazers ewhall ha'n screffars an bobel warbarth e a vednaz thoranze pelle ve Chreest gennez.
5 Ha an gye lavarraz thotha, en Bethalem a Judeah, rag an dellma thewah screffez gen an prophet.
6 Ha che Bethalem en Pow Judah negooz an behathna amisk Maternyow Judah, rag amez a che e ra doaz Matern rag rowlya tha pobel Ezarel.
7 Nena Herod, pereg e prevath crya an deeze feere, eve vednaz thoranzeseer pana termin reeg an steare disquethaz.
8 Ha e ez devannaz tha Vethalem, ha reeg laule thothonz gworeuh whellas seere an flo younk ha parewe why e gavaz, dre geere tha ve arta, mala ve moaze ha gortha thotha aweeth.
9 Perege an gye clowaz an Matern y eath caar, ha an stearan a reeg angye gwellhas en East geeth deractanze ne reeg hi doaze ha savaz derez le ba era an Flo younk.
10 Pereg angye gwellaz an stearan, thonge loan gen meare a loander.
11 ha po tho angye devethez en choy y a wellaz an Floh younk gen Mareea e thama, ha angye a gothaz en doer ha gorthaz tha eve. Ha pereg gere go throzor y a rooz thotha aur ha frokensense ha ere.
12 Ha angye ve gwarnez gen Deew ha gye a cuskah neresa angye doaz ogaz tha Herod, ha anjy eath carr tha pow go honen, vor aral.
13 Ha potho angye gellez carr, mero elez neeve a desquethaz ha Joseph a ve hendrez an dela, sauem aman, ha kebar an flo younk ha e thama ha ke tha Egypt, ha bethes enna, tereba ve dry thez geere; Rag Herod vedn whelaz an flo rag e latha.
14 Pereg e saval, e comeraz an Flo yonk ha e Thama, en noaze, ha geeth tha Egyp.
15 Ha Eve enna terebah mernaz Herod malga boaze composez a ve cowsez gen Arleth neue der an prophet, o laule a veza Egyp me vedn crya a Mab.
16 Nena Herod pereg e gwellaz fatel o geaze gweaze anotha gen an teeze feere, yw engrez, ha thavanas mehaz he lathas oll an flehaz a era en Bethalem, ha oll an dro, en dadn deaw vloth coth, a tho an termen a reeg e gofen thur an teez feere.
17 Nena a ve composez a ve Cowsez gen German an prophet laule.
18 En Rama a ve clowez olva, whola ha garma, Rachel wholo rag e flehaz ha na venga hye boaze comfortyez rag tho angye lethez.
19 Potho Herod maraw, elez neue theath tha Joseph en cusk en Egyp.
20 Luall.... kebar an Flo younk ha e Thama ha ke than pow an Ethewan; rag ma Herod maraw, eva whellaz bownaz an Flo yonk.

Top